თხზულებათა სრული კრებული 10 ტომად ტომი V

V ტომში მოთავსებულია ვ. ბარნოვის ორი მოთხრობა და ერთი ისტორიული რომანი (1917-1918 წ.წ). ისინი შედარებულია ავტოგრაფებთან და ნაბეჭდ ტექსტებთან. ამ მხრივ გამონაკლისს წარმოადგენს „საპასექო ნამცხვარი“. იგი გამოქვეყნებულია მხოლოდ ერთხელ (გაზ.„საქართველო“). ავტოგრაფი არ გააჩნია. მწერლის პირად არქივში დაცულია „ტრფობა წამებულის“ ნაბეჭდი ტექსტი (1930წ.), რომელიც ავტორის მიერ საბოლოოდაა ჩასწორებული. ტომში შემავალი ტექსტები ისეთივე აკადემიური წესითაა დამუშავებული, როგორც წინა ტომებში. სიტყვებიც მხოლოდ იმ მნიშვნელობითაა განმარტებული, რა მნიშვნელობითაც მათ ავტორი ხმარობს.